Jæja þá er Gummi farin vestur í Dýrafjörð í næstu þrjár vikurnar en það verður boðið uppá jólahlaðborð á Núpi næstu 3 helgar frá og með deginum í dag. Gummi var í morgunútvarpinu á Rás 2 í morgun fyrir þá sem vilja fræðast frekar um það sem hann er að bardúsa.  Þetta þýðir að Gummi tekur öll próf fyrir vestan hjá Háskólasetri vestfjarða.
Ég fer í eitt próf og er það 10 desember þannig að það fer að styttast í að það komi í mann skrekkur Annars gengur lífið sinn vanagang Baldur er búin að fá vinnu við jólaútburð hjá póstinum og fær hann að vita í dag hvenar hann byrjar þar.
Í gær hittumst við nokkrar úr saumaklúbbnum og áttum góða stund saman við þæfingu og þreytti undirrituð frumraun sína á því sviði og gekk bara nokkuð vel þó ég segi sjálf frá
Að öðru leiti rúllar lífið sinn vanagang það hafa að vísu verið erfiðir tímar hjá Nínu minni en vonandi fer það bara batnandi hér eftir.

Ég fæ alveg kulahroll niður eftir hryggnum þegar ég fylgist með honum Gumma mínum þessa dagana að klára og skila verkefnum í öllum fögum áður en prófin byrja, að sumu leiti fylgir þessu söknuður en að mestu leiti er maður dauðfegin að vera ekki í þessum gír núna. Ég er að vísu í einu fagi og er þessa dagana að klára verkefni í því sem gildir 20% en það er bara einhvernvegin allt öðruvísi að vera svo á rannsóknarstofunni og geta stýrt sinni vinnu þar og aðlagað að þessu eina fagi sem maður er í þá verður stressið ekki eins mikið og ef maður væri í 5 fögum og þyrfti að klára verkefni í þeim öllum.

Þess vegna er ég ekkert smá stolt af mínum manni að hann skuli ekki vera löngu búin að gefast upp einmitt vegna þess að í dag er ég ekki viss um að ég hefði farið út í þetta ef ég hefði vitað hversu mikil vinna er á bak við það að vera í fullu háskólanámi ef vel á að vera, en á móti kemur að maður kynnist fullt af skemmtilegu fólki í gegnum námið og á líka fullt af góðum stundum

Jæja þá er komin ró á í Kjarnagötunni en loksins fannst tími til að halda uppá afmæli Helgu Guðrúnar og  var það gert með því að við buðum í morgunkaffi kl. 11 í morgun en enduðum á því að hafa fyrst grjónagraut og brauð og að því loknu köku með BLEIKU kremi sem var einlæg ósk afmælisbarnsins
Henni fannst það nú hálf undarlegt dömunni að halda uppá afmælið sitt 10 dögum eftir réttan afmælisdag en er samt alveg fullkomlega sátt við daginn.
Þetta er líka búin að vera góður dagur að öllu leiti allt gengið eins og það á að gera í sambandi við afmælið og síðan fékk ég þessar líka æðislegu frétti af ónefndum vini/vinkonu sem ég gleðst svo innilega yfir að ég er enn að jafna mig á þessu (viðkomandi veit hvað um er að ræða)
Og til að enda daginn þá ætlum við að vera hér í rólegheitum heima hjónin og hafa það huggulegt Ekki veitir af því nú eru ekki nema u.þ.b 10 dagar í að Gummi fari vestur á Núp þar sem fyrsta jólahlaðborðið er eftir tæpar 2 vikur og þá komum við ekki til með að hafa hann heima í amk. rúmar 3 vikur, en hann nær því nú vonandi að koma heim um næstu helgi.

Þessi helgi fór að mestu í rólegheit fyrir utan það að frúin var á fullu í vinnu við basar hjá Oddfellow bæði laugardag og sunnudag.  Gummi kom heim á fimmtudaginn og fór ekki fyrr en nú á mánudagsmorgni sem okkur finnst bara frábært eini gallinn á því er að það þá er ég bíllaus þangað til hann kemur á fimmtudaginn en þar sem við búum við frítt í strætó hér á Akureyrinni þá er það nú ekki mikið vandamál, nema ef maður vildi gera það að vandamáli
Vegna anna hjá frúnni þessa helgi ákváðum við að halda bara uppá afmælið hennar Helgu um næstu helgi og finnst henni það vera svolítið skondið að ætla að hafa afmæli þegar hún á ekkert afmæli, hún er semsagt að komast á þann aldur að spá í ýmsa hluti sem hún hefur ekki spáð í áður.

Jæja þá er maður komin til baka eftir heljarinnar ferðalag sem ákveðið var með stuttum fyrirvara
Á mánudaginn flaug ég til borgar óttans og átti þar frábært kvöld í rólegheitum hjá Guggu vinkonu en það var orðið of langt síðan síðast þannig að það var löngu komin nótt þega við gátum hætt að tala ekkert nýtt þar.
Á þriðjudegi þá var brottför frá Matís kl 8 og lagt af stað sem leið lá í 2 rútun fyrst á Selfoss þar sem Mast og MS voru sótt heim, þá á Klaustur þar sem við skoðuðum Klausturbleikju og fengun einnig að snæða hana. Síðan var komið við á Þórbergsetri og safnið þar skoðað og þáðar veitingar og að því loknu haldið áfram sem leið lá til Hafnar í Hornafirði, Þar gistum við á Hótelinu en strákarnir okkar (Matís) á Höfn sáu um að grilla ofan í okkur Humar sem var náttúrulega bara gott, síðan skemmti fólk sér fram eftir kvöldi nú eða nóttu eftir því sem menn voru í stuði til
Á miðvikudeginum þá var byrjað á að kynna okkur Norðurbragð og Bestfisk en þangað var gaman að koma ekki síst því að þar ræður ríkjum hann Sívar Árni gamli skólafélagi minn síðan var kynning á Nýheimum sem er svipað fyrirbæri og Borgir hér á Akureyri samansafn allsskonar stofnana og skóla eftir hádegismat þá vorum við síðan viðstödd þegar Matarsmiðja Matís var opnuð á Höfn. Að opnunni lokið var síðan keyrt sem leið lá til borgar óttans með viðkomu við Jökulsárlón, mat á Klaustri og pissustoppi á Hvolsvelli þegar til Rvíkur var komið fór ég og fékk kaffisopa hjá henni Kollu minni en fór síðan uppá hótel því við Jónína áttum flug 7:45 til Akureyrar þegar heim var komið var farið beint í að vinna tölfræðiverkefni og því kom ég ekki "heim" fyrr en seinnipartinn í gær það var glöð lítil stúlka sem hitti foreldrana þegar þau náðu í hana á leikskólann
EN MIKIÐ ER ALLTAF GOTT AÐ KOMA HEIM

Sá eða sú sem verður gestur númer 50000 á svo sannarlega inni kaffibolla í Kjarnagötunni við tækifæri